Landbúnaðarráðherra (Guðni Ágústsson) (um fundarstjórn):
Hæstv. forseti. Ég vil ekki bera sakir á hv. þm. í þessum efnum. Ég var fyrst og fremst að benda vissu mína, því ég hef fullvissað mig hér í salnum um að ég var að fara rétt með. Ég hringdi upp í ráðuneyti og spurði hvort það væri ekki rétt munað hjá mér að þetta væri með þessum hætti. Samt leyfir hv. þm. sér að bera á þann sem hér stendur að hann sé að ljúga, kemur hér full af hreysti aftur upp til þess að halda fram röngum sökum í garð einstaklings sem lifði heilbrigðu og góðu lífi. Þetta var ævistarf hans sem hann var að selja. Ég bið því hv. þm. um að koma með mér upp í ráðuneyti og kynna sér málið. Ég vil vera viðstaddur þegar hún kemur þar. Ég býð henni hér með í heimsókn þangað.