Guðmundur Hallvarðsson (andsvar):
Herra forseti. Er það ekki hlutverk Alþingis og alþingismanna að vera í fararbroddi þeirra laga sem þeir hafa sett? Ég veit ekki betur en fleiri en tveir og fleiri en fjórir alþingismenn hafi mætt í æfingabúðir þar sem box er stundað. Hv. þm. Hjálmar Árnason var hér að tala rétt áðan úr ræðustól og bjóða þingmanninum að mæta í svona búðir. Ég heyrði ekki betur en hv. þm. Katrín Fjeldsted hefði þegið boðið. Hún þekktist boðið. (Gripið fram í: Af hverju svaraðir þú ekki spurningunni?)