Halldór Blöndal (andsvar):
Herra forseti. Hv. þm. talar um að ekki megi virkja auglýsingamennsku og markaðshyggju í sölu áfengra drykkja. Ég hygg að þetta sé rétt með farið. Þá spyr ég á móti: Hvernig í ósköpunum stendur þá á því að útsölum Áfengisverslunar ríkisins er komið fyrir annars vegar í Kringlunni og hins vegar í Smáralind? Ætli mætti kannski ekki finna einhverja staði þar sem færra fólk fer um?