[prenta uppsett í dálka] 69. fundur, 127. lþ.
Rannveig Guðmundsdóttir:
Herra forseti. Hér eru greidd atkvæði um mesta dekurmál þingsins og atkvæðagreiðslan er endurtekið efni. Það er einsdæmi að þingmál sem Alþingi hefur lokið með atkvæðagreiðslu sé aftur tekið upp á næsta þingi. Þessi tillaga var felld á hv. Alþingi í fyrra.
Herra forseti. Á sama tíma og þrýstingur eykst frá læknasamtökum um víða veröld, nú í haust frá Evrópusamtökum lækna, á að hnefaleikar verði ekki ólympíugrein og að bönnuð verði höfuðhögg í hnefaleikum hefur þetta mál fengið forgang á dagskrá þingsins, jafnvel á mestu annatímum. Ég gagnrýni þá málsmeðferð harðlega.
Þar sem ég er fylgjandi áframhaldandi banni greiði ég atkvæði gegn lögleiðingu hnefaleika en styð tillögu Katrínar Fjeldsted.
