[prenta uppsett í dálka] 69. fundur, 127. lþ.
Halldór Blöndal (andsvar):
Herra forseti. Ég er búinn að svara því í ræðu minni sem hv. þm. spurði um en ég spyr enn --- verið þið bara róleg, bara róleg. Ég biðst afsökunar á að hafa ávarpað þingmanninn í annarri persónu.
Ég hlýt að vekja athygli á því að nú hafa tveir þingmenn Vinstri hreyfingarinnar -- græns framboðs kvatt sér hljóðs og komið með andsvör við ræðu mína. Hvorugt þeirra hefur fengist til þess að benda á úrræði Vinstri hreyfingarinnar -- græns framboðs (Gripið fram í: ... andsvari ...) þótt fyrri þingmaðurinn, hv. 17. þm. Reykv. Kolbrún Halldórsdóttir, hafi að fyrra bragði talað um þessi miklu úrræði sem Vinstri hreyfingin -- grænt framboð hafði á Austurlandi, ekki orð um hver þau séu, ekki orð. (ÖJ: ... svara mér í andsvari.)
