[prenta uppsett í dálka] 69. fundur, 127. lþ.
Ólafur Björnsson (andsvar):
Herra forseti. Ég held að þetta mál hafi þróast þannig að farið hafi verið að lögum í málinu. Allir hafa fengið að koma sínum sjónarmiðum að. Málið hefur farið í lögformlegt umhverfismat og verið farið eftir þeim lögum sem gilda um þessar stóru og miklu framkvæmdir. Ég tel að það hafi út af fyrir sig alveg legið fyrir í síðustu kosningum hvaða stjórnmálaflokkar voru á þeirri skoðun að nýta ætti fallvötnin og hverjir voru á móti. Sú þjóðaratkvæðagreiðsla gildir, það eru kosningar og eftir þeim lýðræðislegu leikreglum verður að fara.
