Ásta R. Jóhannesdóttir:
Herra forseti. Þetta var mjög áhugaverð yfirferð hjá hæstv. ráðherra. En hjá mér vaknaði ein spurning til viðbótar. Ég spyr hæstv. ráðherra: Ef foreldrar óska eftir að fá þessa bólusetningu í þrennu lagi, er það þá mögulegt? Er eitthvað því til fyrirstöðu að þeir foreldrar sem óska eftir því fái þrjár bólusetningar, eina með hverju mótefni, í stað þess að hafa þær þrjár í einni sprautu?