[prenta uppsett í dálka] 74. fundur, 127. lþ.
Guðjón A. Kristjánsson:
Herra forseti. Ég verð að segja eins og er, að mér finnst yfirlýsing hæstv. iðn.- og viðskrh. hér áðan nokkuð einkennileg. Í dag þegar við tökum byggðamál til umræðu megum við þingmenn ekki ræða það sem verið hefur í fréttum um helgina. Ég verð bara að lýsa því yfir að ég ætla ekki að una neinum afarkostum ráðherrans um hvað ég ræði í ræðustól á hv. Alþingi.
Stefnuna í byggðamálum á að kynna á Alþingi og það er auðvitað vandi þessarar ríkisstjórnar og ráðherrans að hann skuli alltaf vera á eftir tímanum og við séum alltaf að ræða stöðu mála tveimur og þremur árum á eftir því sem ætti að vera.
