Rannveig Guðmundsdóttir:
Herra forseti. Í Fréttablaðinu í morgun mátti lesa að hæstv. utanrrh. leggur áherslu á að gera úrslitatilraun til að ná fram breytingum á samningnum um Evrópska efnahagssvæðið þrátt fyrir tregðu innan Evrópusambandsins, óblíðar viðtökur sem málið fékk, samanber fréttir í síðustu viku, og litlar undirtektir Norðmanna sem standa eins og við utan Evrópusambandsins en þora ekki að leita eftir því að taka upp samninginn.
Utanrrh. hefur á Alþingi lýst veikleikum EES-samn\-ings\-ins í breyttu samkeppnisumhverfi eftir stækkun Evrópusambandsins og þýðingu þess fyrir okkur Íslendinga að fá samninginn uppfærðan. Við í Samfylkingunni höfum stutt þessi áform hæstv. utanrrh. En að gefnu tilefni spyr ég hæstv. utanrrh.: Var samstaða í ríkisstjórninni um að leita eftir endurskoðun eða uppfærslu á EES-samningnum? Hvaða forsendur lágu að baki þeirri ákvörðun ríkisstjórnarinnar að óska endurskoðunar á EES-samningnum?
Herra forseti. Hver voru þau markmið sem ríkisstjórnin hugðist ná með hugsanlegum lagfæringum á EES-samningnum?