[prenta uppsett í dálka] 74. fundur, 127. lþ.
Kolbrún Halldórsdóttir:
Herra forseti. Það er alveg ljóst að Árósasamningurinn markar ákveðin tímamót í stjórnsýslu varðandi umhverfismál. Hann leggur stjórnvöldum þá skyldu á herðar að tengja saman umhverfisrétt og mannréttindi. Hæstv utanrrh. hefur gefið þjóðinni fyrirheit um það í ræðum sínum, þegar hann flutti tillöguna á Alþingi á síðasta ári, að hann eigi að taka fullt gildi hér á landi.
Nú segir hæstv. utanrrh. að ekki sé búið að taka afstöðu til hvort og þá hvenær samningurinn verði tekinn til umfjöllunar eða taki gildi á Íslandi.
Nú vil ég spyrja hæstv. utanrrh.: Kemur það virkilega til greina eða eru þær blikur á lofti að það kunni að vera að samningurinn taki ekki gildi?
