[prenta uppsett í dálka] 74. fundur, 127. lþ.
Pétur H. Blöndal (andsvar):
Herra forseti. Bankarnir stóru hafa nú ekki tapað stærri upphæðum en það að þeir skila umtalsverðum og safaríkum hagnaði ár eftir ár. Ég tek það því ekki alveg gilt að þeir hafi tapað stórfé á Reykjavíkursvæðinu þó að þeir hafi eflaust tapað einhverju. En þeir hafa líka hagnast vel af starfsemi sinni á svæðinu.
Ég held, herra forseti, að ástæðan fyrir því að þeir sinna ekki landsbyggðinni, og þeir gera það ekki, sé sú umræða um landsbyggðina sem á sér stað, t.d. hér í þessum sölum. Hér er endalaust talað um að landsbyggðinni gangi illa. Henni gengur ekkert illa. Það gengur ekkert illa alls staðar úti á landi. Það er bábilja sem bankarnir að sjálfsögðu hlusta á eins og aðrir.
