[prenta uppsett í dálka] 77. fundur, 127. lþ.
Ísólfur Gylfi Pálmason:
Herra forseti. Ég vil þakka fyrirspyrjanda þessa fyrirspurn og ágætt svar utanrrh. Í Byrginu fer í raun og veru fram mjög merkilegt starf. Það var áður í Hlíðardalsskóla, þar á undan í Hafnarfirði og núna í Rockville. Þar hafa margir lagt hönd á plóginn. Forstöðumaðurinn hefur verið afar ötull í þessari starfsemi og ég veit að hæstv. utanrrh. hefur lagt sitt af mörkum eins og heilbrrh. Einn þingmaður, sem reyndar er erlendis í dag, hv. þm. Hjálmar Árnason, hefur verið ötull stuðningsmaður þessarar starfsemi og barist mjög fyrir þessu.
Byrgið hefur sem betur fer fengið styrki til starfsemi sinnar og á eins og margar aðrar stofnanir á þessu sviði allt gott skilið. Vonandi má tryggja áframhaldandi starfsemi í Byrginu til heilla því fólki sem þar starfar og þeim sem þar hafa fengið aðstoð vegna áfengis- og vímuefnanotkunar.
