Ásta Möller:
Herra forseti. Ég er þeirrar skoðunar að Rás 2 hafi runnið sitt skeið sem tónlistarútvarp. Hún skapaði nýja vídd í útvarpsmálum þegar hún var sett á laggirnar en núna hafa einkareknar útvarpsstöðvar tekið þetta hlutverk að sér og því er óþarft að Ríkisútvarpið sé á þeim markaði.
Þess vegna er hugmynd hæstv. menntmrh. um flutning Rásar 2 til Akureyrar athyglisverð. Nú hefur útvarpsráð tekið undir hugmyndirnar og útfært þær. Með því að breyta Rás 2 í miðstöð svæðisútvarpa skapast nýir möguleikar á að kynna þjóðina innbyrðis sem við höfum ekki haft möguleika á áður vegna þess að svæðisútvörpin hafa eingöngu verið send send út á viðkomandi svæði. Þannig skapast möguleikar á auknum skilningi milli landshluta, aukinni nálægð fólks, sem ég tel mikla þörf á, herra forseti, á báða bóga.