[prenta uppsett í dálka] 78. fundur, 127. lþ.
Gunnlaugur Stefánsson (andsvar):
Herra forseti. Loksins er þetta frv. komið fram. Það er mjög mikilvægt að staðreyndir máls eins og þær geta legið fyrir séu skýrar. Í frv. segir að áætlað sé að fyrri áfangi álvers fari í rekstur árið 2006. En í umsögn Orkustofnunar segir á bls. 22 í frv. að áætlað sé að fyrri áfangi álvers fari í rekstur árið 2008. Það er mjög mikilvægt í upphafi umræðunnar að dagsetningar og ártöl sem eru þekkt og hægt að styðjast við séu rétt og ekki misvísandi.
