Þuríður Backman (andsvar):
Herra forseti. Hæstv. iðnrh. las upp úr greinargerð og vitnaði í könnun um viðhorf ungs fólks og væntingar ungs fólks á Austurlandi til vinnu í álverinu og möguleika á menntun. Ég vil spyrja hæstv. ráðherra: Hvaða áform hefur ríkisstjórnin um atvinnutækifæri og menntunarmöguleika ungs fólks ef ekki verður af álveri á Austurlandi? Þá er ég að tala um ungt fólk sem býr, hefur búið og vill búa á Austurlandi.