Sjávarútvegsráðherra (Árni M. Mathiesen) (andsvar):
Herra forseti. Mér þykir reyndar svolítið furðulegt að hv. þm. skuli ekki átta sig betur á tilurð þessara mála þegar hún veit að auðlindanefndarstarfið fór fram á vegum forsrn. Þar af leiðandi heyra gríðarlega stórir hlutar þeirrar skýrslu ekki undir sjútvrn.
Eins kemur mér á óvart að hv. þm., sem er reyndar fyrrv. hæstv. ráðherra, skuli ekki gera sér betur grein fyrir því hvernig störfum er skipt í Stjórnarráði Íslands. (RG: Ekki það?)