Drífa Hjartardóttir (andsvar):
Herra forseti. Ég nefndi bara það sem stóð í 2. gr. frv. En auðvitað er þetta alveg hárrétt. Ég tel að lagabálkur um Landgræðsluna sem liggur nú fyrir þinginu sé mjög góð heildarlöggjöf um landgræðslu á Íslandi þannig að ég held að hún taki á þeim þáttum sem hv. þm. Kolbrún Halldórsdóttir var að ræða. En við eigum að sjálfsögðu eftir að fara vel yfir þessi mál bæði tvö og eigum eftir að fá sérfræðinga á þessu sviði til okkar og fá allar þær upplýsingar sem við getum og munum nýta okkur þær.