Forseti (Halldór Blöndal):
Borist hafa eftirfarandi bréf:
,,Þar sem ég er á förum til útlanda í opinberum erindum og get því ekki sótt þingfundi næstu tvær vikur óska ég eftir því, með vísan til 2. mgr. 53. gr. þingskapa, að 2. varaþm. Sjálfstfl. í Reykjavík, Stefanía Óskarsdóttir stjórnmálafræðingur, taki sæti mitt á Alþingi á meðan.
Virðingarfyllst,
Ásta Möller, 19. þm. Reykv.``
Annað bréfið hljóðar svo:
,,Þar sem ég er á förum til útlanda í opinberum erindum og get því ekki sótt þingfundi næstu tvær vikur óska ég eftir því, með vísan til 2. mgr. 53. gr. þingskapa, að 1. varaþm. Sjálfstfl. í Vestfjarðakjördæmi, Ragnheiður Hákonardóttir bæjarfulltrúi, taki sæti mitt á Alþingi á meðan.
Virðingarfyllst,
Einar K. Guðfinnsson, 1. þm. Vestf.``
Þriðja bréfið er svohljóðandi:
,,Þar sem ég er á förum til útlanda í opinberum erindum og get því ekki sótt þingfundi næstu tvær vikur óska ég eftir því, með vísan til 2. mgr. 53. gr. þingskapa, að 1. varaþm. Samfylkingarinnar í Vesturl., Dóra Líndal Hjartardóttir tónmenntakennari, taki sæti mitt á Alþingi á meðan.
Virðingarfyllst,
Gísli S. Einarsson, 5. þm. Vesturl.``
Dóra Líndal Hjartardóttir, Ragnheiður Hákonardóttir og Stefanía Óskarsdóttir hafa áður tekið sæti á Alþingi og eru þær boðnar velkomnar til starfa á ný.