Dómsmálaráðherra (Sólveig Pétursdóttir) (andsvar):
Herra forseti. Tillaga starfshópsins sem er þessi mikla skýrsla: ,,Um ferðaröryggisáætlun 2002 til 2012 -- Ísland verði fyrirmyndarland í umferðinni fyrir árið 2012`` var sett í hólf hjá öllum hv. þm. um leið og þeirri vinnu var lokið. Skýrslan er komin fram og var kynnt og eins og ég gerði grein fyrir í ræðu minni áðan hefur hún borist til allra þingmanna. En það er að sjálfsögðu rétt að verða við því ef óskað er eftir að útvega hv. þm. skýrsluna.