[prenta uppsett í dálka] 102. fundur, 127. lþ.
Kolbrún Halldórsdóttir (andsvar):
Herra forseti. Hv. þm. svaraði ekki seinni spurningu minni sem ég óskaði þó eftir að væri aðalatriði andsvarsins. Það varðar náttúruvernd á svæðinu og ég vil fá að heyra það frá hv. þm. hvernig iðnn. fjallaði um þau mál.
Síðan vil ég í lok andsvars míns, herra forseti, geta um setningu sem hv. þm. kom með í ræðu sinni. Hún varðar það að Landsvirkjun stefni að því að lækka raforku til almenningsveitnanna um 2% á næstunni. Ég hef það staðfest, herra forseti, bæði af fundum sem ég hef setið með stjórnarmönnum Landsvirkjunar og ég hef það líka í plöggum sem ég er reyndar ekki með hér og get ekki vitnað til beint, en Landsvirkjun hefur gefið yfirlýsingar um að orkuverð til almenningsveitna skuli hækka um 30% á næstu tíu árum. Nú hefur þessi prósenta lækkað og ég spyr, herra forseti: Hverju sætir? Um leið og ég minni á að Landsvirkjun er ekki enn farin að hreyfa litla fingur til að reyna að lækka verðið þó að hún hafi gefið þessar yfirlýsingar nú í tvö eða þrjú ár.
