[prenta uppsett í dálka] 106. fundur, 127. lþ.
Halldór Blöndal (andsvar):
Herra forseti. Það vekur vissulega athygli að hv. þm. Svanfríður Jónasdóttir er sammála því að höggva í sundur svæðin norðan Vatnajökuls, það svæði sem takmarkast frá Vatnajökli til Mývatnssveitar niður til Kelduhverfis og jafnvel ef maður kýs að fara niður á Melrakkasléttu eða Langanes. Ljóst er að þessar hugmyndir eru ekki í samræmi við þær skoðanir sem uppi eru í Mývatnssveit eða annars staðar í Norðurl. e. En það má vera að hv. þm. sé þarna föst í sjónarmiðum síns kjördæmis og skal ég ekkert lá henni það.
Ég vona svo sannarlega, Samfylkingarinnar vegna, að fulltrúi flokksins í Norðurl. e. sé ekki meðmælt þessari tillögu. Það mundi ekki vekja traust á því landsvæði.
