Arnbjörg Sveinsdóttir:
Hæstv. forseti. Það er von og ósk okkar Austfirðinga að sem fyrst verði gefið út virkjunarleyfi samkvæmt þeim lögum sem við erum nú að samþykkja í dag um virkjun við Kárahnjúka. Það er trú okkar Austfirðinga að orkan úr Jöklu og Jökulsá í Fljótsdal, eins mikla virðingu og við berum fyrir þeim vatnsföllum, eigi eftir að færa okkur hagsæld, bæði í Austfirðingafjórðungi og fyrir þjóðarhag. Hér er stigið gæfuspor í dag.
Hæstv. forseti. Ég segi já.