[prenta uppsett í dálka] 114. fundur, 127. lþ.
Hjálmar Árnason:
Herra forseti. Eins og hv. þm. Ögmundur Jónasson upplýsti áðan styður Framsfl. þetta frv. Það gerir hann vegna þess að framkvæmdin sem frv. býður upp á getur lagt grunninn að mikilli efnahagslegri velsæld á Íslandi. Hún kann að auka þjóðarframleiðslu varanlega um 1%. Hún kann að auka útflutningstekjur Íslendinga um 14,5%. Hún mun styrkja efnahagslíf okkar, hún mun styrkja byggðir landsins og hún mun skapa hundruð ef ekki þúsundir starfa. Með öðrum orðum mun hún styrkja velsæld og efnahagslegar framfarir á Íslandi og þar með leggja grunninn að áframhaldandi uppbyggingu velferðarkerfisins á Íslandi. Þess vegna segi ég með góðri samvisku já.
