[prenta uppsett í dálka] 114. fundur, 127. lþ.
Umhverfisráðherra (Siv Friðleifsdóttir):
Virðulegur forseti. Ég tel að Kárahnjúkavirkjun gefi okkur kost á því að nýta vistvæna orku sem aðrar þjóðir eru ekki eins heppnar og við að búa yfir heldur þurfa þær að notast við kol, olíu og kjarnorku. Virkjunin fór í gegnum ítarlegt umhverfismat, ítarlegra en við höfum séð áður, og sú er hér stendur úrskurðaði þannig að umhverfisáhrifin voru minnkuð verulega í því mati.
Það er ljóst að við munum í framtíðinni skoða þjóðgarðshugmyndir norðan Vatnajökuls enda verður um stærstu ósnortnu víðernin í Vestur-Evrópu að ræða þrátt fyrir Kárahnjúkavirkjun. Ég tel því að að undangengnu ítarlegu mati og nákvæmri skoðun vegi kostirnir við þetta mál þyngra en gallarnir. Ég segi því já.
