Menntamálaráðherra (Tómas Ingi Olrich) (andsvar):
Herra forseti. Það er gengið í stofnun þessa skóla með að mörgu leyti mjög sambærilegum hætti og annarra háskóla sem hafa vaxið upp í að verða rannsóknarstofnanir. Þessi skóli fer af stað með þessum hætti, með heimildarákvæði, og það er vilji ráðuneytisins að skoða hvernig þetta heimildarákvæði í samningnum verði nýtt í framtíðinni. Þannig er þessu máli hrint úr vör og það er þess vegna vilji ráðherrans að standa við málið að þessu leyti.