Jóhanna Sigurðardóttir (andsvar):
Herra forseti. Ég spyr hæstv. ráðherra um ákvæði í þessu frv. þar sem veita á rekstrarframlög til íbúða sem staðið hafa auðar í lengri tíma: Hvað er ,,lengri tími`` langur?
Síðan væri mjög gott ef hæstv. ráðherra gæti upplýst okkur nú, þegar umræðan er komin þetta á veg að ráðherrann hefur mælt fyrir frv., hversu margar íbúðir á landinu öllu standa auðar, hvað þær eru sem hlutfall af heildinni og hvar þær eru helst.