[prenta uppsett í dálka] 115. fundur, 127. lþ.
Samgönguráðherra (Sturla Böðvarsson) (andsvar):
Herra forseti. Það liggur ekki fyrir, en það er partur af þeirri undirbúningsvinnu sem þarf að vinna núna, og þess vegna er sérstök fjárveiting á þessu ári til að huga að endurbótum á Þingeyrarflugvelli. Ef vel tekst til, þá er ekki óhugsandi að svo geti orðið, en það þarf að undirbúa, koma upp í fyrsta lagi lengingu vallarins og í öðru lagi lýsingu á hann og síðan í þriðja lagi að búa hann þeim búnaði sem þarf til þess að hann nýtist sem best með flugbrautinni á Ísafirði. Ég vil ekkert fullyrða um næturflugsaðstöðuna fyrr en athugun hefur leitt slíka niðurstöðu í ljós, en ég legg ríka áherslu á að endurbætur á Þingeyrarflugvelli geti nýst sem best fyrir svæðið og ég geri ráð fyrir að tekið verði til við að undirbúa það á næstunni.
