[prenta uppsett í dálka] 115. fundur, 127. lþ.
Guðjón A. Kristjánsson (andsvar):
Herra forseti. Þessi samningur er nokkuð gamalkunnur og hefur verið með nokkuð líku sniði milli Íslands og Færeyja á undanförnum árum. Það er þó eitt sem mig langar til að fá upplýst ef hæstv. utanrrh. getur upplýst mig um það, það eru ákvæðin í 4. gr. samningsins um aðgang Íslendinga að veiðum á 1.300 lestum af makríl og 2.000 lestum af síld úr öðrum síldarstofnum en þeim norsk-íslenska. Mig langar til að vita hvernig nýting okkar hefur verið á þeim veiðiheimildum á undanförnum árum, hvort til séu upplýsingar um það hverjir hafi nýtt sér slíkar heimildir, hvaða útgerðir og í hvaða magni okkur hafi tekist að nýta okkur þær heimildir sem kveðið er hér á um í 4. gr.
