[prenta uppsett í dálka] 116. fundur, 127. lþ.
Jóhann Ársælsson:
Hæstv. forseti. Þetta mál um nýja Umhverfisstofnun er að koma fram núna þegar þinginu er að ljúka og þó að ég og Samfylkingin leggist ekki gegn því að það komi á dagskrá, þá sitja menn hjá. Í því eru auðvitað fólgin skilaboð.
Ég verð að segja eins og er að ég greiði ekki atkvæði gegn þessu í trausti þess að málið fari til umfjöllunar í nefnd en verði ekki afgreitt í þinginu, að það fái tímann í sumar og menn fari yfir málin og skoði þau því að það hefur komið svo sannarlega fram nú þegar að undirbúningnum er alls ekki svo háttað að möguleiki sé á því að fjalla um málið á svo stuttum tíma sem nú er ætlaður til þess á hv. Alþingi.
