Kolbrún Halldórsdóttir:
Herra forseti. Nú er það alveg ljóst að hæstv. forseti breytir hér rétt. Hann frestar auðvitað fundi vegna þess að hér eru þingmenn að fara á boðaða nefndafundi. Ég vil samt að það komi fram að þær fsp. sem við eigum eftir og erum búin að búa okkur undir verða að komast á dagskrá áður en þessu þingi verður slitið 24. apríl. Ég geri þá kröfu, herra forseti, að það verði rætt í forsn. að fsp. sem út af standa fái sitt eðlilega pláss í dagskrá þingfundanna á næstu dögum.
(Forseti (ÍGP): Forseti vill láta þess getið að þessum skilaboðum verður komið á framfæri í forsn.)