[prenta uppsett í dálka] 122. fundur, 127. lþ.
Forseti (Halldór Blöndal):
Ég vil af þessu tilefni taka fram að það er rétt að mér varð á. Mistök mín voru þau að ég tók þetta bréf ekki fyrir á fundi forsn. Alþingis. Ég biðst afsökunar á því að bréfið skyldi ekki hafa verið tekið fyrir með formlegum hætti eins og rétt hefði verið.
Ég vil í annan stað taka undir það sem fram hefur komið að texti tillögugreinarinnar eins og hún er samþykkt á Alþingi 9. maí 2000 er óljós og ég vil biðja formann efh.- og viðskn. að taka málið fyrir á fundi sínum, endurskoða tillögugreinina eins og hún var samþykkt af Alþingi og leggja hana á nýjan leik fyrir Alþingi svo að hún megi skiljast.
