[prenta uppsett í dálka] 124. fundur, 127. lþ.
Kolbrún Halldórsdóttir:
Herra forseti. Hér er Alþingi Íslendinga að samþykkja afskaplega metnaðarfull markmið varðandi aukið umferðaröryggi á næstu árum, en hv. þm. verða líka að gera sér grein fyrir því að þau metnaðarfullu markmið sem hér er að finna fela í sér viðamiklar aðgerðir sem kalla á aukið fjármagn. Ég vil bara hnykkja á því að hv. allshn. getur um slíka hluti í nefndaráliti sínu. Við þurfum öll, sem erum í þessum sal að greiða málinu atkvæði, að vera vakandi fyrir því að setja það fjármagn sem þarf í málaflokkinn við næstu fjárlagagerð þegar við ákveðum fjármagnið sem á að fara í þær aðgerðir sem hér eru nauðsynlegar.
