[prenta uppsett í dálka] 132. fundur, 127. lþ.
Jón Bjarnason (andsvar):
Virðulegi forseti. Hæstv. ráðherra minntist á Orkubú Vestfjarða. Þar keypti ríkið hlut sveitarfélaganna þannig að ef hæstv. ráðherra ætlaði að vera sjálfri sér samkvæm hefði hún í sjálfu sér líka keypt hlut sveitarfélagsins í Steinullinni. (JÁ: Þú varst á móti því líka.) Ég er að vitna til orða hæstv. ráðherra.
En það væri fróðlegt að heyra hjá hæstv. ráðherra hvernig verðmætamat á hlut ríkisins í fyrirtækinu fór fram. Var þar gætt þeirra reglna sem ríkið starfar eftir? Hvers vegna var ekki hluturinn þá boðinn einhverjum öðrum heima fyrir? Hvernig stóð hæstv. ráðherra að þessu útboði á hlut ríkisins í Steinullinni? Það væri fróðlegt að hæstv. ráðherra upplýsti það ásamt því hvernig verðmætamatið fór fram og hver framkvæmdi það.
