[prenta uppsett í dálka] 132. fundur, 127. lþ.
Jóhanna Sigurðardóttir:
Herra forseti. Í þessum brtt. kemur í fyrsta lagi fram að staðið verði við það sem fram kemur í erindisbréfi forsrh. um þetta mál frá 11. júní 2001, um að starfsfólki verði tryggð sambærileg störf hjá þeim stofnunum sem taka við verkefnum Þjóðhagsstofnunar og í öðru lagi að stofnað verði sérstakt hagsvið við skrifstofu Alþingis til þess að staða þingsins gagnvart framkvæmdarvaldinu veikist ekki við þessa breytingu, en þingmenn, ekki síst í stjórnarandstöðu, geti leitað sér aðstoðar hjá óháðum aðila með ráðgjöf, upplýsingar og útreikninga. Það kemur fram í síðari tölulið þessarar brtt.
