Frsm. minni hluta allshn. (Guðrún Ögmundsdóttir) (andsvar):
Virðulegur forseti. Mér skilst að auðvitað taki þingmaðurinn undir að betur fari á því að þetta sé allt undir einum hatti, þar sem hún er samþykk áliti meiri hluta allshn. Hins vegar er tekið öðruvísi á þessu í frv. um atvinnuréttindi útlendinga. Þar er meira kveðið á um þetta samstarf milli Vinnumálastofnunar, Útlendingaeftirlits og annarra sem að málinu koma. Það er ekki gert hér, en auðvitað hefði mönnum verið í lófa lagið að gera slíkt.