[prenta uppsett í dálka] 133. fundur, 127. lþ.
Utanríkisráðherra (Halldór Ásgrímsson) (andsvar):
Herra forseti. Eins og mál standa í dag er gert ráð fyrir að ég fari í heimsókn til Ísraels 26. maí og eigi fund með utanrrh. Ísraels mánudaginn 27. maí. Þetta var staðfest fyrir klukkutíma.
Önnur atriði heimsóknarinnar liggja ekki fyrir á þessari stundu en sem sagt er gert ráð fyrir því að hún verði farin.
Að því er varðar þátttöku Íslendinga í því uppbyggingarstarfi sem blasir við hafa engar ákvarðanir verið teknar. Við munum að sjálfsögðu fylgjast með undirbúningi þess. Það er ljóst að alþjóðasamfélagið þarf að koma þar að í ríkum mæli. Ég geri ráð fyrir að Íslendingar komi að því með einum eða öðrum hætti. Það er ekki tímabært að ákveða á þessari stundu með hvaða hætti það verður gert.
Það er sem sagt gert ráð fyrir að þessi heimsókn verði á þeim tíma sem hefur verið í undirbúningi um alllangan tíma.
