[prenta uppsett í dálka] 135. fundur, 127. lþ.
Jón Bjarnason:
Herra forseti. Hér er verið að greiða atkvæði um vegáætlun fyrir yfirstandandi ár. Hún felur í sér niðurskurð upp á rúma 1,5 milljarða frá gildandi vegáætlun, þeirri sem unnið hefur verið eftir. Það er hvorki í takti við áherslur í byggðamálum né í atvinnumálum eða öryggismálum í umferð að skera niður fjármagn til vegamála í landinu.
Herra forseti. Ég harma að ríkisstjórnin skuli velja vegaframkvæmdir til að skera niður ef hún hyggst draga saman í ríkisfjármálum. Það er andstætt hagsmunum þjóðarinnar, a.m.k. hinna dreifðu byggða.
