[prenta uppsett í dálka] 135. fundur, 127. lþ.
Frsm. heilbr.- og trn. (Jónína Bjartmarz):
Herra forseti. Ég mæli fyrir nefndaráliti hv. heilbr.- og trn. um till. til þál. um unglingamóttöku og getnaðarvarnir. Í nefndarálitinu á þskj. 1315 eru tilgreindir þeir aðilar sem skiluðu umsögnum um þetta mál.
Hv. heilbr.- og trn. tekur undir efnisatriði tillögugreinarinnar sem og þau sjónarmið sem fram koma í greinargerð með henni. Nefndin telur eðlilegt að efni tillögunnar verði skoðað samhliða tillögu um heilsuvernd í framhaldsskólum, tillögu um mótun heildarstefnu um uppbyggingu og rekstur meðferðarstofnana og tillögu um átraskanir og sé framlag til vinnu á vegum heilbrigðisráðherra um þróun og breytingar á skipulagi og verkefnum heilsugæslunnar.
Heilbr.- og trn. leggur til að tillögunni verði vísað til ríkisstjórnarinnar.
Undir álit þetta rita auk framsögumanns hv. nefndarmenn í heilbr.- og trn., Katrín Fjeldsted, Ásta Möller, Ásta R. Jóhannesdóttir, Margrét Frímannsdóttir og Þuríður Backman.
