Pétur H. Blöndal:
Herra forseti. Við greiðum nú atkvæði um stefnu í byggðamálum 2002--2005. Ég hef enga trú á áætlunum af þessum toga, enda samdar á skrifstofum, aðallega hér í Reykjavík, og ætti reynslan að hafa sýnt þeim trúuðu að svona áætlunargerð gerir ekki gagn, ekki hér á landi frekar en í Sovétríkjunum forðum.
Sú áætlun sem við hér ræðum um er líka sérstaklega loftkennd. Mikilvægara væri að reyna að hemja útbreiðslu báknsins sem blæs út í höfuðborginni og sogar til sín fólk af landsbyggðinni. Nýjar stofnanir renna út af Alþingi eins og á færibandi, þar á meðal nokkrar í dag. Flestar eru staðsettar í Reykjavík og alltaf er málefnið gott.
Nei, herra forseti. Við skulum láta landsbyggðina í friði og hætta að stjórna því fólki sem þar býr. Kannski nær það þá andanum. Ég sit hjá.