Forseti (Ísólfur Gylfi Pálmason):
Borist hefur svohljóðandi bréf:
,,Þar sem ég er á förum til útlanda í opinberum erindum og get því ekki sótt þingfundi á næstunni óska ég eftir því, með vísun til 2. mgr. 53. gr. þingskapa og bréfs frá 1. varaþm. á lista Sjálfstfl. í Vesturl., Helgu Halldórsdóttur, að 2. varaþm. á listanum, Skjöldur Orri Skjaldarson bóndi, taki sæti mitt á Alþingi á meðan.
Virðingarfyllst,
Guðjón Guðmundsson, 4. þm. Vesturl.``
Síðara bréfið hljóðar svo:
,,Forseti Alþingis, Halldór Blöndal,
Alþingishúsinu, Reykjavík.
Ég undirrituð, sem skipa sæti 1. varaþm. á lista Sjálfstfl. á Vesturlandi, get að svo stöddu ekki tekið sæti á Alþingi í forföllum Guðjóns Guðmundssonar, 4. þm. Vesturl.
Virðingarfyllst,
Helga Halldórsdóttir skrifstofumaður, Borgarnesi.``
Kjörbréf Skjaldar Orra Skjaldarsonar hefur þegar verið rannsakað og samþykkt, en þar sem hann hefur eigi tekið sæti á Alþingi fyrr ber honum að undirrita drengskaparheit.