Forseti (Halldór Blöndal):
Borist hafa tvö bréf, hið fyrra dags. 26. október sl.:
,,Þar sem ég, herra forseti, er á förum til útlanda í opinberum erindagjörðum tekur Vilhjálmur Þ. Vilhjálmsson, 1. varaþm. á lista Sjálfstfl. í Reykjavíkurkjördæmi, sæti mitt á Alþingi frá 30. október nk.
Þetta tilkynnist yður hér með.
Davíð Oddsson.``
Síðara bréfið, dags. 30. okt. 2001, hljóðar svo:
,,Þar sem ég er á förum til útlanda í opinberum erindum og get því ekki sótt þingfundi á næstunni óska ég eftir því, með vísan til 2. mgr. 53. gr. þingskapa og þess að 1. varaþm. á lista Sjálfstfl. í Reykjavíkurkjördæmi tekur í dag sæti á Alþingi, að 2. varaþm. listans, Stefanía Óskarsdóttir stjórnmálafræðingur, taki sæti mitt á Alþingi á meðan.
Virðingarfyllst,
Geir H. Haarde, 3. þm. Reykv.``
Vilhjálmur Þ. Vilhjálmsson og Stefanía Óskarsdóttir hafa áður tekið sæti á Alþingi og eru boðin velkomin til starfa á ný.