Bryndís Hlöðversdóttir:
Herra forseti. Ef hv. þm. sem starfa í fjárln. --- og þá er ég sérstaklega að vísa til orða hv. síðasta þingmanns --- er það ekki ljóst að það er hlutverk hv. fjárln. Alþingis, þeirra þingmanna sem þar sitja, að hafa m.a. eftirlit með meðferð opinberra fjármuna er ég alveg hætt að botna í hlutunum hér.
Herra forseti. Hvar er eðlilegri vettvangur fyrir þingmann sem hefur fyrir því sérstök rök að færa fram slíka beiðni en í hv. fjárln.? Ég tel mjög eðlilegt að slík beiðni sé lögð fram og ég undrast að ekki skuli vera orðið við þeirri beiðni heldur látið að því liggja að þingmaðurinn sé að hnýsast í málefni sem honum komi ekki við.