[prenta uppsett í dálka] 19. fundur, 127. lþ.
Árni Steinar Jóhannsson (andsvar):
Virðulegi forseti. Í umfjöllun hæstv. umhvrh. um frv. kom fram sú sýn að efla eigi frjáls félagasamtök. Við áttum mikla rimmu í þinginu við fjárlagagerð í fyrra um hvaða frjálsu félagasatök eigi að efla. Mig langar því að spyrja hæstv. umhvrh. á grunni þessara nýju laga hvaða sýn hún hafi í þeim málum, hvort ekki sé sú hætta að menn efli þau frjálsu félagasamtök sem eru þóknanleg stefnu stjórnvalda hverju sinni og menn fari þá frekar yfir í að styrkja eins konar ,,society-klúbba`` eins og algengir eru í útlöndum, skaðlausa stjórnvöldum hverju sinni. Ég ber fram þessa spurningu sérstaklega í ljósi þess að mikill ágreiningur var við fjárhagsáætlun við fjárlagagerðina í fyrra um það hvernig peningum væri deilt út til frjálsra félagasamtaka sem láta sig náttúruvernd varða.
