Landbúnaðarráðherra (Guðni Ágústsson) (um fundarstjórn):
Hæstv. forseti. Ég vil gera athugasemd. Þegar svona umræður fara fram þá hélt ég að frummælandi og sá ráðherra sem fer með málið væru jafnan síðastir á mælendaskrá. Þess vegna á ég enn erfitt með að eiga við útúrsnúninga hv. þm. Lúðvíks Bergvinssonar sem enn halda áfram með jafn\-ómerkilegum hætti og í upphafi. Ég hélt að það væri regla, hæstv. forseti, að sá sem hér hæfi spurningar og sá ráðherra sem ætti í hlut, lykju umræðunni og það hefði ég gjarnan viljað hafa í þessu tilfelli (SJS: Hættir bara ekkert.) þegar ekki er málefnalegar farið að en henti hv. þm. eins og svo oft áður.