[prenta uppsett í dálka] 31. fundur, 127. lþ.
Iðnaðarráðherra (Valgerður Sverrisdóttir) (andsvar):
Hæstv. forseti. Út af þeim orðum hv. þm. að stjórnvöld gerðu vart annað en að leita uppi álver um heiminn og eyddu miklum fjármunum í þá leit þá vil ég nefna tvö dæmi frá síðustu þremur dögum.
Í fyrsta lagi var fyrirtækið X-18 að gera viðskiptasamninga við fjölmargar þjóðir upp á fleiri milljarða. Þetta fyrirtæki hefur notið aðstoðar viðskiptaþjónustu utanrrn. sem forsvarsmenn þess hafa sagt að skipti verulegu máli.
Annað dæmi vil ég nefna frá síðustu viku. Þá var ég viðstödd nýsköpunartækni ungs fólks í Evrópu í Brussel. Ísland er í fyrsta skipti aðili að þessari samkeppni, eina þjóðin utan Evrópusambandsins. Þarna tóku þátt fjögur íslensk fyrirtæki eða fjögur verkefni. Ungt vel menntað fólk sem svo virkilega átti erindi þó að ekki ynni það til verðlauna í þessari samkeppni. En þangað átti Ísland erindi eins og hver önnur Evrópuþjóð. Þetta gerist fyrir tilstuðlan stjórnvalda.
