[prenta uppsett í dálka] 31. fundur, 127. lþ.
Þórunn Sveinbjarnardóttir (andsvar):
Hæstv. forseti. Nú er ég alveg hætt að skilja hæstv. iðnrh. Vald annarra þjóða. Bíddu, er stjórnarandstaðan komin í slagtog með einhverjum öðrum þjóðum? Hefur hæstv. iðnrh. ekki minnsta skilning á eðli alþjóðlegrar samvinnu? Veit hæstv. iðnrh. ekki um hvað þessir samningar snerust? Hún lætur að því liggja að í öðrum málum sé hið yfirþjóðlega vald stjórnarandstöðunni þóknanlegt. Það stendur ekki steinn yfir steini í þessum málflutningi, herra forseti. Ekki steinn yfir steini.
Það væri fróðlegt að vita, herra forseti, hvort hæstv. iðn.- og viðskrh. ætlar t.d. að beita sér gegn því að einhverjir fulltrúar stjórnarandstöðunnar geti orðið fulltrúar Alþingis á Ríó plús 10 ráðstefnunni í Suður-Afríku á næsta ári? Því það veit sá sem allt veit að ef fulltrúar stjórnarandstöðunnar fengju að fara þangað þá gæti hugsast að þeir hefðu aðrar skoðanir en fulltrúar ríkisstjórnarinnar.
