Steingrímur J. Sigfússon:
Herra forseti. Samkvæmt þessum lið fjáraukalagafrv. á að verja 32 millj. kr. til viðbótar því sem fjárlög heimila til ráðstefnuhalds eða undirbúnings undir ráðstefnuhald á vegum utanrrn. á þessu ári. Af þessum 32 eiga 30 samkvæmt greinargerð frv. að fara til að undirbúa fyrirhugaðan ráðherrafund NATO á Íslandi næsta vor. En, herra forseti, það er ekki eins og það eigi að duga því að í fjárlögum fyrir næsta ár er rúm 181 millj. kr. sett á utanrrn. til ráðstefnuhalds og í brtt. við fjárlögin sem nú þegar hefur verið dreift er þar bætt 60 millj. við. Þá er ótalinn kostnaður dómsmrn. og fleiri aðila.
Samtals er nú áætlað í augnablikinu, en það breytist um tugi millj. í hverri viku upp á við, að kostnaðurinn verði a.m.k. 350 millj. kr. í þetta einstaka gæluverkefni hæstv. utanrrh. og ríkisstjórnar. Þetta er óþarft gæluverkefni sem á að kosta þjóðina mörg hundruð millj. kr. á næsta ári. Ég segi nei.