[prenta uppsett í dálka] 41. fundur, 127. lþ.
Landbúnaðarráðherra (Guðni Ágústsson):
Hæstv. forseti. Sú samanburðartilraun sem hér átti að fara í gang snerist ekki um kynblöndun við íslenskar kýr heldur samanburðartilraun á þremur kúm, íslenskri kú, norskri kú og blendingskú. Hún átti að fara fram í tveimur fjósum. Það var alveg afmarkað mál.
Afstaða bænda er mjög afdráttarlaus í þessu máli, 75% hafna þeirra þessari tilraun, þannig að niðurstaðan er mjög skýr. Það er rétt sem hv. þm. segir að nýstofnað félag NRFÍ-manna hefur sent inn umsókn um innflutning í Hrísey og síðan fljótlega út í fjósin. Mér finnst atvinnugreinin sjálf hafa svarað þessari spurningu um tilraunina. Þess vegna er skoðun landbrh. sú að þetta mál sé farið hjá garði.
