Halldór Blöndal (um fundarstjórn):
Herra forseti. Ég vék tali mínu sérstaklega til forseta og vakti athygli á því að ég væri að svara gagnrýni sem hefði komið á ummæli mín sem féllu undir öðrum dagskrárlið og baðst afsökunar á því að ég skyldi þurfa að víkja að þeim málum hér í ræðustólnum þegar umræður ættu að snúast um skýrslu umboðsmanns.
Það er auðvitað mikill ósiður ef það á að fara svo, þegar skýrslur umboðsmanns eða Ríkisendurskoðunar eru til umræðu, að þá skuli þær umræður snúast upp í að einstakir þingmenn noti tækifærið til þess að bera aðra þingmenn röngum sökum og hafa uppi stóryrði.