[prenta uppsett í dálka] 41. fundur, 127. lþ.
Halldór Blöndal:
Það er tvennt, herra forseti. Í fyrsta lagi vil ég minna á að ég bað sérstaklega um leyfi til þess að fá að svara þeim persónulegu ávirðingum sem voru á mig bornar hér.
Í annan stað vil ég minna á að það sem ég sagði hér um þingsköp var þetta, með leyfi hæstv. forseta:
,,Ég lít svo á að niðurstaða forsrh. sé rétt þar sem ekki eru nein ákvæði í þingsköpum um þagnarskyldu annarra nefnda sambærileg við þau sem eru um utanrmn.``
Í þingsköpum eru ekki neinar aðrar sambærilegar setningar þannig að ég skil satt að segja ekki hvað þetta á að þýða hjá hv. þingmönnum að halda þessum vaðli til haga.
